Allar fréttirnar um Vínskólann

Það var sneisafullur salur (40 manns) í Vínskólanum þegar Javier Bartoloméo kynnti vínin frá Torres á Hótel Centrum á þriðjudaginn. Og ekki voru vínin af verra endanum - 17 alls: sígildu vínin Vina Sol, Vina Esmeralda í hvítvínunum en líka lífræna Nerola og Milandra, í rauðvínunum Coronas og Sangre de Toro, en líka "Gran" vínin þar, og svo var farið í vín sem við sjáum ekki daglega. Sjálfsagt Mas de la Plana, en líka Ibericos frá Rioja, Salmos og Perpetual frá Priorat, Celeste frá Ribeira del Duero, Cordillera frá Penedes með þrúgum endurheimtum frá gleymskunni, Manso del Velasco frá Chile og Marimar frá Kaliforníu - þetta var frábært úrval og sýndi þþað (ef einhver skyldi efast um það) að Miguel Torres er með vönduðustu vínhúsum frá grunni upp í top vínin.